ჯანდაცვა
ტკივილის მოთმენის იძულება - რა ტიპის პაციენტებს ემსახურება სახელმწიფო პროგრამები
ქრონიკული ტკივილით საქართველოში ასობით ადამიანი იტანჯება.
ტკივილი სხვადასხვა დაავადებითაა გამოწვეული და ამ დაავადებების სიმპტომს წარმოადგენს. თუმცა მიჩნეულია, რომ ტკივილი არა მხოლოდ სიმპტომი, არამედ ცალკე, "ავტონომიური" დაავადებაცაა.
ქრონიკული ტკივილის ბოლომდე განკურნება შეუძლებელია, თუმცა შესაძლებელია ტკივილის შემსუბუქება სამედიცინო პრეპარატებით, ძლიერი ოპიოდებით - გააჩნია ტკივილის ხარისხს და ეტაპს. ტკივილის ხარისხის გარკვევა ექიმის პრეროგატივაა, იგი უდგენს პაციენტს ტკივილის სიძლიერეს და შესაბამისად უნიშნავს პრეპარატს.ამ პროცესში ნაკლებადაა ჩართული პაციენტი, სამაგიეროდ აღნიშნულ პროცესში მონაწილეობს სახელმწიფო.
ინკურაბელურ (განუკურნებელ) პაციენტებს პალიატიური (დროებითი) მზრუნველობის სახელმწიფო პროგრამა, ემსახურება. პროგრამის მიზანს წარმოადგენს "ინკურაბელური პაციენტების ცხოვრების ხარისხის გაუმჯობესება, ფინანსური ხელმისაწვდომობის გაზრდის გზით", - აღნიშნულია საქართვლოს შრომის, ჯანდაცვისა და სოციალური უზრუნველყოფის სამინისტროს ოფიციალურ ვებ- გვერდზე.
თუმცა ეს პროგრამა ქრონიკული ტკივილის მქონე ყველა პაციენტს არ ფარავს. იგი იმ ინკურაბელურ პაციენტებს ემსახურება, რომელთაც სიცოცხლის დასასრულს ესაჭიროებათ სპეციალიზებული პალიატიური მზრუნველობა: მე-4 კლინიკური ჯგუფის ავთვისებიანი სიმსივნით დაავადებულებს
ტერმინალურ სტადიაში მყოფ შიდსით დაავადებულებს და არაონკოლოგიური ქრონიკული მოპროგრესირე სენით დაავადებულებს ტერმინალურ სტადიაში.
***
39 წლის უჩასთვის ხერხემლის დაავადების მიზეზით ტკივილი და მასთან გამკლავება ყოველდღიურობაა. ტკივილის მართვა მას გამაყუჩებელი პრეპარატებისა და ძილის საშუალებით უწევს. მასზე არ ვრცელდება სახელმწიფო პროგრამით გათვალისწინებული დახმარებები და შეღავათები. ტკივილს საკუთარი ძალებით და ფინანსებით ებრძვის.
უჩამ ხერხემლის დაზიანება 20 წლის წინ მიიღო და ამ ხნის განმავლობაში პენსიით უწევს ძვირადღირებული წამლის (პრეგაბალინი) ყიდვა "ერთი აბი ხუთი ლარი ღირდა, ერთი თვეა, რაც 6 ლარი გახდა", - აღნიშნავს უჩა. მან წამალი ყოველდღიურად უნდა მიიღოს, რასაც ვერ წვდება 150 ლარიანი პენსია, შესაბამისად უჩას ტკივილის მოთმენა უწევს. ტკივილის მოთმენის იძულება შეიძლება რამდენიმე დღე გაგრძელდეს.
მაღალ ფასთან ერთად პრობლემას რეცეპტის გაცემის პრინციპიც ქმნის. უჩას ინფორმაციით, მას ყოველთვიურად უწევს სპეციალური რეცეპტისთვის ექიმთან ვიზიტი, თანაც აღნიშნული წამლის შეძენის უფლება თვეში მხოლოდ ერთხელ აქვს.
"ნაწილ- ნაწილ წამლის ყიდვის საშუალებას რეცეპტის პრინციპი არ იძლევა. მთელი თვის მარაგი ერთიანად უნდა იყიდო. საამისოდ სულ ცოტა 180 ლარი მჭირდება. რაზეც უმეტეს შემთხვევაში ხელი არ მიმიწვდება. ამიტომ მოუხერხებელი სისტემაა სოციალურად დაუცველი ადამიანისთვის. იგი როგორც ფინანსურად ურთულებს ცხოვრებას ადამიანს, ასევე ფიზიკურადაც - თვეში 10 -12 დღე ტკივილის მოთმენით და ტკივილით ცხოვრება გიწევს", - აღნიშნავს უჩა.
ტკივილთან ფინანსურად შებრძოლებას ჯანდაცვის სამინისტრო ინკულაბელურ პაციენტებს (რომლებიც პროგრამით ვერ სარგებლობენ) გარკვეულ "შემოვლით" გზას თავაზობს და მათთვის პროგრამაში ჩასმის შესაძლებლობის გარკვევას კომისიას ანდობს.
"იმ მომსახურების ხარჯების ანაზღაურება, რომლებიც არ იფარება სახელმწიფო პროგრამის ფარგლებში, შესაძლებელია განხილული იქნეს "რეფერალური მომსახურების" ფარგლებში შესაბამისი სამედიცინო დახმარების გაწევის შესახებ გადაწყვეტილების მიღების მიზნით შექმნილი კომისიის მიერ", - აღნიშნულია ჯანდაცვის სამინისტროს მიერ "ქუთაისიპოსტისთვის" გამოგზავნილ პასუხში.
პროგრამაში მოხვედრის მსურველს სამინისტრო განცხადებასთან ერთად თავაზობს შესაბამისი საბუთების მოგროვებას (სამედიცინო დაწესებულების მიერ მიმდინარე წელს გაცემული ცნობა პაციენტის ჯანმრთელობის მგდომარეობის შესახებ (სამედიცინო (ფორმა #IV-100ა ), სამედიცინო დაწესებულების მიერ მიმდინარე წელს გაცემული ანგარიშ-ფაქტურა და კალკულაცია (დედანი), ან მედიკამენტებზე მოთხოვნის შემთხვევაში სამედიცინო დაწესებულების (აფთიაქის) მიერ გაცემული ანგარიშ-ფააქტურა (დედანი) საჭირო მედიკამენტის თაობაზე, მაძიებლის წარმომადგენლის პირადობის დამადასტურებელი დოკუმენტის ასლი, სოციალური კატეგორიის დამადასტურებელი მოწმობის ასლი). რის შემდეგაც კომისია სათანადო მონაცემების ანალიზის შენდეგ განიხილავს მაძიებლისთვის დაფინანსების გაცემის შესაძლებლობას და განსაზღვრავს დაფინანსების მიზანშეწონილობას.

| Print |  E-mail
FaceBook Twitter Google
დღის სიახლეები
საქართველოს რეგიონალური განვითარებისა და ინფრასტრუქტურის სამინისტრო იმერეთის მუნიციპალიტეტში შემდეგი სახის ინფრასტრუქტურული პროექტების განხორციელებას გეგმავს.
11:18 / 17-12-2017
მართვის მოწმობის მისაღებად მოქალაქეებმა გამოცდა ქუჩაში ავტომობილით გადაადგილებაშიც უნდა ჩააბარონ.
17:58 / 16-12-2017
ამირან არიშვილი ერთ-ერთია ვისაც დღეს მანქანა დანადგარები უსასყიდლოდ გადასცეს. ის პროფესიით ინჟინერია და მშენებლობაში მცირე ბიზნესის დაწყებას გეგმავს.
14:35 / 16-12-2017
მსგავსი სიახლეები
საქართველოს პარლამენტის ჯანმრთელობის დაცვისა და სოციალურ საკითხთა
კომიტეტი ექიმებისთვის დიპლომის შემდგომი განათლების მიღების შესახებ
კანონპროექტზე მუშაობს.
საქართველოს პარლამენტის ჯანმრთელობის დაცვისა და სოციალურ საკითხთა კომიტეტი ექიმებისთვის დიპლომის შემდგომი განათლების მიღების შესახებ კანონპროექტზე მუშაობს.
13:22 / 24.10.2017
ქუთაისში, მიმდინარე წლის იანვრიდან ამ დრომდე სამ ექიმს
სახელმწიფო სერთიფიკატის მოქმედება შეუჩერდა.  ექიმებს
სერთიფიკატი მოქმედების ვადა ორ–ორი თვით შეუჩერდათ. ხოლო 9 ექიმს
წერილობითი გაფრთხილება მიეცა.

ქუთაისში, მიმდინარე წლის იანვრიდან ამ დრომდე სამ ექიმს სახელმწიფო სერთიფიკატის მოქმედება შეუჩერდა.  ექიმებს სერთიფიკატი მოქმედების ვადა ორ–ორი თვით შეუჩერდათ. ხოლო 9 ექიმს წერილობითი გაფრთხილება მიეცა.

09:30 / 19.10.2017
ფსიქიკური ჯანმრთელობის მსოფლიო დღესთან დაკავშირებით, აკაკი წერეთლის
სახელმწიფო უნივერისტეტის სამედიცინო ფაკულტეტის სტუდენტებს საჯარო
ლექცია ჩაუტარდათ.
ფსიქიკური ჯანმრთელობის მსოფლიო დღესთან დაკავშირებით, აკაკი წერეთლის სახელმწიფო უნივერისტეტის სამედიცინო ფაკულტეტის სტუდენტებს საჯარო ლექცია ჩაუტარდათ.
15:47 / 10.10.2017
მაღალი ტემპერატურის დროს გართულებების თავიდან აცილების მიზნით,
დაავადებათა კონტროლის ცენტრი რეკომენდაციებს ავრცელებს.

მაღალი ტემპერატურის დროს გართულებების თავიდან აცილების მიზნით, დაავადებათა კონტროლის ცენტრი რეკომენდაციებს ავრცელებს.

13:35 / 05.08.2017
ქუთაისში სოციალურად დაუცველების ნაწილი იმ სახელმწიფო
პროგრამას იწუნებს, რომელიც მთავრობის დაპირებით, მათი დახმარების
მიზნით ამოქმედდა.
ქუთაისში სოციალურად დაუცველების ნაწილი იმ სახელმწიფო პროგრამას იწუნებს, რომელიც მთავრობის დაპირებით, მათი დახმარების მიზნით ამოქმედდა.
10:30 / 14.07.2017
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.