გამჭვირვალე თვითმმართველობა
თანამდებობის პირთა არადეკლარირებული ბიზნეს წილები ქუთაისის მერიასა და საკრებულოში -TI-ის კვლევა
არასამთავრობო ორგანიზაცია "საერთაშორისო გამჭვირვალობა-საქართველომ" ქუთაისის მერიისა და საკრებულოს იმ თანამდებობის პირების შესახებ გამოქვეყნა ინფორმაცია,
რომლებმაც დეკლარაციებში თავიანთი ქონება და ბიზნესწილები სრულყოფილად არ მიუთითეს.

კვლევაში, ასევე, საუბარია მათ მიერ თანამდებობასთან შუფერებელ საქმიანობაზე.

TI-მ დეკლარაციის არასრულად შევსების 8 და თანამდებობასთან შეუთავსებელი საქმიანობის 3 ფაქტი გამოავლინა.

კვლევაში მოხვდა ქუთაისის მერი, გიორგი ჭიღვარია, რომელმაც დეკლარაციაში არ მიუთითა, რომ მამამისი ტარიელ ჭიღვარია შპს "ქუთაისის დამოუკიდებელ სასწავლო უნივერსიტეტში" 33,3%-იანი წილის მფლობელია. მან დეკლარაციაში ასევე არ ასახა, რომ ტარიელ ჭიღვარიას სოფელ ჭრებალოში 474 კვ.მ. და 989 კვ.მ. მიწის ნაკვეთები აქვს. ტარიელ ჭიღვარიას სოფელ მაღლაკში აქვს ასევე ორი მიწის ნაკვეთი, ორივე 2500 კვ.მ. ფართობის, თუმცა გიორგი ჭიღვარიას დეკლარაციაში მხოლოდ ერთი მიწის ნაკვეთი აქვს მითითებული.

დეკლარაცია არასრულად შეავსო მერიის სამხედრო სამსახურის უფროსმ,ა ვალერიან ყენიამ, რომელმაც არ მიუთითა, რომ სოფელ ჩაისუბანში აქვს 3 მიწის ნაკვეთი.

ქონების სამსახურის უფროსმა, გიორგი გიორგობიანმა კი დამალა, რომ იგი არის შპს ჯი.თი.ჯი გრუპ G.თ.G. გროუპ-ის 33.3%-იანი წილის მფლობელი. მას ასევე აღნიშნული წილის მართვის უფლება სხვა პირისთვის არ გადაუცია, რაც TI-ს თქმით, საჯარო სამსახურში ინტერესთა შეუთავსებლობისა და კორუფციის შესახებ კანონის მე-13 მუხლის დარღვევას წარმოადგენს.

კვლევაში საკრებულოს 7 დეპუტატი მოხვდა. კვლევის მიხედვით, თანამდებობასთან შუთავსებელ საქმიანობას ეწევა საკრებულოს თავმჯდომარე, ნიკოლოზ ლატარია, რომელმაც დეკლარაციაში მიუთითა, რომ არის შპს "ნიკოილი თერჯოლას" 50%-იანი წილისა და ასევე შპს "გიოს" 40%-იანი წილის მესაკუთრე, თუმცა მას აღნიშნული წილი სამართავად სხვა პირისთვის არ გადაუცია.

ლატარიას დეკლარაციაში არ აქვს მითითებული, რომ იგი არის შპს "ნიკოილი 9-ის" 100%-იანი წილისა და შპს "ფრეშ ფუდის" 55%-იანი წილის მფლობელი, რაც დეკლარაციაში არ აუსახავს. ლატარიას დეკლარაციაში ასევე არ მიუთითებია, რომ დედამისი, დალი ლატარია შპს "ნიკოილი +-ის" 50%-იანი წილის მესაკუთრეა, ხოლო მისი მეუღლე ხატია სირბილაძე შპს "ნიკოილის" 70%-იანი წილის მესაკუთრეა.

დეკლარაციაში თავისი ქონების შესახებ მიუთითა საკრებულოს საფინანსო-სარევიზიო კომისიის თავმჯდომარემ, კახა ბოჭორიშვილმა, თუმცა, მას წილი სამართავად სხვა პირისთვის არ მიუცია, რაც ასევე წარმოადგენს კორუფციის შესახებ კანონის მე-13 მუხლის დარღვევას.

კვლევის მიხედვით, საკრებულოს ფარქცია "ქართული ოცნების" თავმჯდომარე, ელეონორა არჩაია ორი კომპანიის დირეტქორია, რაც TI- ს თქმით, არღვევს "საჯარო სამსახურში ინტერესთა შეუთავსებლობისა და კორუფციის შესახებ" კანონს, რომლის მიხედვითაც, თანამდებობის პირს უფლება არ აქვს სამეწარმეო დაწესებულების ხელმძღვანელი იყოს.

კვლევაში მოხვდა ფრაქცია "ქართული ოცნება-მწვანეების" თავმჯდომარე, ამირან კოპალეიშვილიც, რომელმაც დეკლარაციაში მიუთითა, რომ შპს "DAMI-ში" 33%-იან წილს ფლობს, თუმცა მას აღნიშნული წილი სამართავად სხვა პირისთვის არ გადაუცია.

ამირან კოპალეიშვილის შესახებ მასალა რუბრიკის "დეპუტატი ბიზნესში" ქუთაისიპოსტსაც აქვს მომზადებული.

საკუთარი წილი სამართავად არ გადაუცია სხვა პირისთვის არც ფრაქცია "ქართული ოცნება-მრეწველების" თავმჯდომარე, ლაშა გვენეტაძეს, რომელიც შპს "ვიპ კახიანაურის" 20%-იანი წილის მესაკუთრეა.

ფრაქცია "ქართული ოცნება-მწვანეების" თავმჯდომარე, იმედა საღინაძეს არც 25%-იანი წილი გადაუცია ვინმესთვის შპს "სამებაში" და დღემდე მისი დირექტორია.

საკრებულოს დეპუტატმა, მერაბ კვიცარიზემ, რომელსაც წარმომადგენლობით ოგანოში თანამდებობა არ აქვს, დეკლარაციაში არ მიუთითა, რომ ის არის შპს "საერთაშორისო საგანმანათლებლო აკადემიის" დირექტორი და 48%-იანი წილის მფლობელი, რომელიც სხვა პირისთვის არ გადაუცია.

TI-თქმით, მას აღნიშნულიც წარმოადეგნს "საჯარო სამსახურში ინტერესთა შეუთავსებლობისა და კორუფციის შესახებ" კანონის მოთხოვნის დარღვევას.

"საერთაშორისო გამჭვირვალობა-საქართველო" მიმართავს საჯარო სამსახურის ბიუროს წარმოდგენილი ინფორმაციის საფუძველზე, მოახდინოს კვლევაში აღნიშნული პირების ქონებრივი მდგომარეობის დეკლარაციების შესწავლა და შესაბამისი რეაგირება.

| Print |  E-mail
FaceBook Twitter Google
დღის სიახლეები
თბილისიდან გატაცებული ბიზნესმენის, ამირან დეკანოიძის შვილის მოსაძებნად სპეცოპერაცია წყალტუბოს სოფელ მაღლაკში ჩატარდა.
21:05 / 18-10-2018
,,ა(ა)იპ მადლიერების სახლის დირექოტირი თამთა ბაკურაძე თანხების შესაძლო უკანონო ხარჯვის გამო საქმის აღძვირს თაობაზე განცხადებას ავრცელებს:
15:07 / 15-10-2018
"ნუ ასარდაფებ, არ დაუშვა მხედრიონის დაბრუნება"- ამ სლოგანებით დაიწყო გაერთიანებულმა ოპოზიციამ  საპროტესტო აქცია ქუთაისის მერიის წინ.
13:13 / 15-10-2018
შპს ,,ჯორჯიან მანგანეზი”-ს, ჭიათურის სამთო-გამამდიდრებელი კომბინატის შუქრუთის მაღაროს № 003 საწარმო უბნის ლავში, სამთო მასის ჩამოშლის შედეგად, 59 წლის გვირაბგამყვანი, გიორგი ლაბაძე დაშავდა, რომელმაც სხეულის მძიმე დაჟეჟილობა მიიღო.
11:00 / 15-10-2018
მსგავსი სიახლეები






ქუთაისის მერიამ, ნიკეას ქუჩაზე მდებარე სოციალურ საცხოვრისში
ფართების შესაძენად იმაზე გაცილებით დიდი თანხა დახარჯა, ვიდრე ეს
საჯაროდ იყო ცნობილი.
ქუთაისის მერიამ, ნიკეას ქუჩაზე მდებარე სოციალურ საცხოვრისში ფართების შესაძენად იმაზე გაცილებით დიდი თანხა დახარჯა, ვიდრე ეს საჯაროდ იყო ცნობილი.
16:10 / 12.07.2018






ქუთაისის მერი, გიორგი ჭიღვარია, მას შემდეგ რაც უფლებამოსილების
განხორციელებას შეუდგა, მე-6 მოწვევის საკრებულოს მიერ ჩატარებული 10
სხდომიდან 8-ს არ დასწრებია.
ქუთაისის მერი, გიორგი ჭიღვარია, მას შემდეგ რაც უფლებამოსილების განხორციელებას შეუდგა, მე-6 მოწვევის საკრებულოს მიერ ჩატარებული 10 სხდომიდან 8-ს არ დასწრებია.
14:30 / 14.06.2018






ქუთაისიპოსტი  აგრძელებს ქუთაისის საკრებულოს
დეპუტატების ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი  აგრძელებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
23:19 / 09.06.2018






ქუთაისიპოსტი  აგრძელებს ქუთაისის საკრებულოს
დეპუტატების ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი  აგრძელებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
12:00 / 27.05.2018






ქუთაისიპოსტი იწყებს ქუთაისის საკრებულოს დეპუტატების
ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი იწყებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
17:01 / 30.04.2018
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.