გამჭვირვალე თვითმმართველობა
მამის კომპანია და კონკურენციის გარეშე მოგებული ტენდერები ზესტაფონის მერიაში
ზესტაფონის მუნიციპალიტეტის ინფრასტრუქტურის სამსახურის უფროსის მოვალეობის შემსრულებლის, დავით მესხიშვილის მამის კომპანია, მერიის მიერ გამოცხადებულ ტენდერებს რეგულარულად იგებს.

შპს "ზესტაფონპროექტმა", რომლის დირექტორი და 30%-იან წილის მფლობელი ნოდარ მესხიშვილია, ბოლო ტენდერი თვენახევრის წინ მოიგო. 40 ობიექტის რეაბილიტაციისთვის პროექტის მომზადების უფლება მან 9000 ლარად, კონკურენციის გარეშე მოიპოვა.

კონკურენციის გარეშე აქვს მოგებული "ზესტაფონპროექტს" კიდევ 16 ტენდერი. მათ შორის, სამ შემთხვევაში ფასთა კლება ნული ლარი იყო, ანუ ზესტაფონის მერიამ შესასრულებელი სამუშაოების ტენდერზე გატანით, ბიუჯეტში ეკონომია ვერ გააკეთა.  ამავე კომპანიის მიერ მოგებულ 13 ტენდერში კი,  მერიის მიერ დაზოგილი თანხა 50 ლარს არ აღემატება. ხოლო, 2015 წლის 20 ოქტომბერს გამოცხადებული 735 ლარიანი ტენდერი, "ზესტაფონპროექტმა" 730 ლარად, კონკურენტის გარეშე მოიგო.

ზესტაფონის მერიის ერთ-ერთი მსხვილი კონტრაქტორის დირექტორის შვილი, დავით მესხიშვილი, რომელიც იმ სამსახურს ხელმძღვანელობს, სადაც სატენდერო წინადადებებს ამზადებენ, ამბობს, რომ ინტერესთა კონფლიქტს ვერ ხედავს.

"რადგან მე ვმუშაობ ზესტაფონის მუნიციპალიტეტში, ამ კომპანიამ აღარ უნდა მიიღოს ტენდერებში მონაწილეობა და გადაკეთდეს სასურსათო მაღაზიად? თუ მე უნდა წავიდე მუნიციპალიტეტიდან? დარღვევას ვერ ვხედავ იმაში, რომ მამაჩემი არის იმ კომპანიის ხელმძღვანელი, რომელსაც ტენდერები აქვს მოგებული. ის, რომ ჩემი სამსახური ამზადებს საპროექტო წინადადებებს, არ ნიშნავს იმას, რომ მე ვინმეს ლობირება შემიძლია. ვიდრე ტენდერი გამოცხადდება, ეს გადის სხვადასხვა ეტაპს. მათ შორის სატენდერო კომისიას, რომლის წევრიც მე არ ვარ", - ამბობს ზესტაფონის მერიის ინფრასტრუქტურის სამსახურის უფროსის მოვალეობის შემსრულებელი, დავით მესხიშვილი.

სატენდერო კომისიის წევრია, თუმცა, კონკრეტული კომპანიის ლობირებას გამორიცხავს ამავე სამსახურის კიდევ ერთი  თანამშრომელი, თეიმურაზ წიწილაშვილი, რომელიც ამავე დროს, დავით მესხიშვილის მამის კომპანიის დამფუძნებელი და 40%-ის წილის მფლობელია.

თეიმურაზ წიწილაშვილი სწორედ იმ განყოფილებას ხელმძღვანელობს, სადაც შესასრულებელი სამუშაოების შესახებ ინფორმაცია მზადდება, ამასთანავე, მის განყოფილებას ევალება ტენდერში გამარჯვებულ კომპანიასთან გაფორმებული ხელშეკრულების პირობების შესრულების კონტროლიც.

ამის მიუხედავად, თეიმურაზ წიწილაშვილი ამბობს, რომ მისი შპს ტენდერებს მხოლოდ იმიტომ იგებს, რომ ქალაქში ამ მიმართულებით მომუშავე კომპანიები ცოტაა.

"ქალაქში ძალიან ცოტა კომპანიაა, რომელიც საპროექტოზე მუშაობს, მაგრამ ჩვენ დიდი გამოცდილება გვაქვს. კომპანია,  ძირითადად, ისეთ ტენდერებს იგებს, სადაც პროექტის შედგენაა საჭირო და ზოგჯერ იმდენი პროექტია ერთად შესადგენი, ამას შეიძლება ერთი თვეც დასჭირდეს. ეს რომ ისეთმა შპს-მ მიგოს, რომელიც ადგილობრივი არაა, მის გასაკეთებლად მივლინებით მოუწევს აქ ჩამოსვლა. ამიტომ, ასეთ ტენდერებში კონკურენცია არაა. მსხვილ ტენდერებს, როგორიცაა მაგალითად, საგზაო ინფარსტრუქტურა, უფრო თბილისური კომპანიები იგებენ და იმათ კონკურენციას ვერ გაუწევ", - ამბობს ზესტაფონის მერიის ინფრასტრუქტურის განყოფილების უფროსი, თეიმურაზ წიწილაშვილი.

მისივე თქმით, იგი ამ ეტაპზე კომპანიაში აღარ მუშაობს, თუმცა, 40%-იანი წილი კვლავ მას ეკუთვნის.

ზესტაფონის მუნიციპალიტეტში ინტერესთა კონფლიქტის არსებობაზე საუბრობს არასამთავრობო ორგანიზაცია "საერთაშორისო გამჭვირვალობა-საქართველოც". ორგანიზაციის მიერ გამოქვეყნებულ კვლევაში ნათქვამია, რომ ინფრასტრუქტურის სამსახურისა და განყოფილების ხელმძღვანელი პირების მუნიციპალიტეტის კონტრაქტორ კომპანიასთან კავშირი, კორუფციის რისკებს შეიცავს. ორგანიზაციის მიერ შესწავლილ ტენდერებში, ასევე,  გამოიკვეთა კონკურენციის შეზღუდვის შესაძლო ფაქტებიც.

შპს "ზესტაფონპროექტს" ზესტაფონის მუნიციპალიტეტის მიერ 2015-2018 წლებში გამოცხადებულ 40 ტენდერში აქვს მონაწილეობა მიღებული. აქედან, კომპანიამ 28 ტენდერი მოიგო, რაშიც ადგილობრივი ბიუჯეტიდან 123 274 ლარი მიიღო.

| Print |  E-mail
FaceBook Twitter Google
სხვა სიახლეები
დღის სიახლეები
ქუთაისის სოციალურ საცხოვრისში მცხოვრებ დარეჯან სანიკიძეს სოციალური დახმარება მოუხსნეს.
18:02 / 19-07-2018
ქუთაისის სამხარეო სამმართველოში ტყიბულის შახტში მომუშავე სამთო და ამფეთქებელ ოსტატებს კითხავენ.
16:11 / 19-07-2018
19 ივლისს მესხიშვილის დრამატულ თეატრი ანსამბლ  "ქართული ხმებისა" და თბილისის მერიის ბიგ ბენდს  უმასპინძლებს.
12:16 / 19-07-2018
ტყიბულში გარდაცვლილ 4 მეშახტეს 21 და 22 ივლისს დაკრძალავენ.
11:42 / 19-07-2018
მსგავსი სიახლეები






არასამთავრობო ორგანიზაცია
არასამთავრობო ორგანიზაცია "საერთაშორისო გამჭვირვალობა-საქართველომ" ქუთაისის მერიისა და საკრებულოს იმ თანამდებობის პირების შესახებ გამოქვეყნა ინფორმაცია,
16:19 / 12.07.2018






ქუთაისის მერიამ, ნიკეას ქუჩაზე მდებარე სოციალურ საცხოვრისში
ფართების შესაძენად იმაზე გაცილებით დიდი თანხა დახარჯა, ვიდრე ეს
საჯაროდ იყო ცნობილი.
ქუთაისის მერიამ, ნიკეას ქუჩაზე მდებარე სოციალურ საცხოვრისში ფართების შესაძენად იმაზე გაცილებით დიდი თანხა დახარჯა, ვიდრე ეს საჯაროდ იყო ცნობილი.
16:10 / 12.07.2018






ქუთაისის მერი, გიორგი ჭიღვარია, მას შემდეგ რაც უფლებამოსილების
განხორციელებას შეუდგა, მე-6 მოწვევის საკრებულოს მიერ ჩატარებული 10
სხდომიდან 8-ს არ დასწრებია.
ქუთაისის მერი, გიორგი ჭიღვარია, მას შემდეგ რაც უფლებამოსილების განხორციელებას შეუდგა, მე-6 მოწვევის საკრებულოს მიერ ჩატარებული 10 სხდომიდან 8-ს არ დასწრებია.
14:30 / 14.06.2018






ქუთაისიპოსტი  აგრძელებს ქუთაისის საკრებულოს
დეპუტატების ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი  აგრძელებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
23:19 / 09.06.2018






ქუთაისიპოსტი  აგრძელებს ქუთაისის საკრებულოს
დეპუტატების ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი  აგრძელებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
12:00 / 27.05.2018
კალენდარი
«« ივლისი 2018 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.