გამჭვირვალე თვითმმართველობა
პარტიის შტაბიდან თანამდებობაზე (ფოტო)
ქუთაისის მერი, გიორგი ჭიღვარია ხელისუფლებაში საკუთარი გუნდით მოვიდა. გუნდით, რომელიც მას არჩევნების მოგებაში დაეხმარა.
ადამიანების უმრავლესობა, რომლებიც გიორგი ჭიღვარიას წინასაარჩევნო კამპანიაში მონაწილეობდა, არჩევნების შემდეგ ქუთაისის მერიაში სხვადასხვა პოზიციაზე დაინიშნა. მათი ნაწილი კი ტერიტორიული მართვის ორგანოებში, შპს-ებსა და ააიპ დაწესებულებებში დასაქმდა.

მერიის საზოგადოებასთან ურთიერთობის განყოფილების უფროსად დაინიშნა თეონა გიორგაძე, რომელიც გიორგი ჭიღვარიას საარჩევნო შტაბში პრესასთან ურთიერთობას კურირებდა. შტაბის კიდევ ერთი წარმომადგენელი თეონა მელქაძე კი, საკრებულოს პრესსამსახურის უფროსი გახდა.

საარჩევნო კამპანიის ერთ-ერთი აქტიური წევრი, ბექა ყურაშვილი, გიორგი ჭიღვარიამ კეთილმოწყობის სამსახურის უფროსად დანიშნა. იუზა უგულავა კი, რომელიც საარჩევნო კამპანიაში ბოლოს ჩაერთო, მერის მოადგილე გახდა.


იუზა უგულავა ს/ს "იმერში" წინსაარჩევნო შეხვედრაზე

ქალაქის მერის საარჩევნო კამპანიაში ჩართული კიდევ ერთი პირი, ახალი ხელისუფლების მოსვლის შემდეგ შექმნილ ააიპ-ში დასაქმდა. თეა ჯანგავაძე ააიპ "ქუთგანათების" საზოგადოებასთან ურთიერთობის განყოფილების ხელმძღვანელია.

გიორგი ჭიღვარიას მხარდამჭერისთვის გათავისუფლდა ააიპ "ბაგა-ბაღების" ხელმძღვანელის პოსტი, რომელიც არჩევნების შემდეგ ბურჯანაძის პარტიის ყოფილმა წევრმა და ქუთაისის მეხუთე მოწვევის საკრებულოს დეპუტატმა, დავით წიტაიშვილმა დაიკავა. წიტაიშვილი არჩევნებამდე რამდენიმე დღით ადრე თავის პარტიას გამოეყო და "ქართული ოცნების" საარჩევნო კამპანიაში ჩაერთო.


დავით წიტაიშვილი წინსაარჩევნო შეხვედრაზე

გიორგი ჭიღვარიას შტაბის წევრი დაინიშნა კიდევ ერთ ააიპში. ააიპ "მადლიერების სახლის" ხელმძღვანელი არჩვენების შემდეგ თამთა ბაკურაძე გახდა, რომელიც მერობის კანდიდატის შეხვედრებს აქტიურად ესწრებოდა.


თამთა ბაკურაძე გიორგი ჭიღვარიას საარჩევნო შტაბში

მერის შტაბის წევრი იყო შპს "ქართული ტრადიციები 2011"-ის ახალი ხელმძღვანელი, სოსო კუჭავაც.


სოსო კუჭავა თათბირზე საარჩევნო შტაბში სოსო კუჭავას წარდგენა ააიპის უფროსად

საკუთარი აქტივისტები დაასაქმა გიორგი ჭიღვარიამ მუნიციპალიტეტებშიც. მისი შტაბის ერთ-ერთი აქტიური წევრი, მიხეილ ნავაძე, რომელიც მეორე ტურის წინ მერობის კანდიდატის პლაკატებს აკრავდა, არჩევნების შემდეგ ნიკეას მუნიციპალიტეტის ხელმძღვანელი გახდა.


მიხეილ ნავაძე  საარჩევნო პლაკატებს აკრავს წარდგენა მუნიციპალიტეტის უფროსად


ვაკისუბანში მერის წარმომადგენლად დანიშნა გიორგი ჭიღვარიამ, ასევე, მისი შტაბის წევრი, გიორგი მამასახლისი.

ქუთაისის მერობის კანდიდატს, მოსახლეობასთან შეხვედრებზე აქტიურად დაყვებოდა ყოფილი მერის, შოთა მურღულიას დროს დანიშნული თანამშრომლებიც. მათმა ნაწილმა პოზიცია შეინარჩუნა, ნაწილმა ვერა.

პოსტზე დარჩა მერიის ტარნსპორტის განყოფილების ხელმძღვანელი, ირაკლი ცხვედიანი. ჯონი არაბიძე კი, რომელიც გიორგი ჭიღვარიას მოსახლეობასთან შეხვედრებს ხშირად ესწრებოდა, საბინაო სამსახურის უფროსი გახდა. სამაგიეროდ, ქუთაისის მერია დატოვა მისმა წინამორბედმა, ვლადიმერ ნაკაშიძემ, რომელიც ასევე მონაწილეობდა მერობის კანდიდატის წინასაარჩევნო კამპანიაში.


ვლადიმერ ნაკაშიძე წინასაარჩევნო შეხვედრაზე

მერიის პრესსამსახურში, გარდა მისი ყოფილი ხელმძღვანელისა, ყველა თანამშრომელმა შეინარჩუნა პოსტი.

მათ პოზიციებზე კი, ვინც სამსახური ვერ შეინარჩუნა, კონკურსი გამოცხადდა, რომლის შემდეგაც თანამდებობებზე,  ძირითადად,  გიორგი ჭიღვარიას საარჩევნო შტაბის წევრები შეირჩნენ.

არასამთავრობო ორგანიზაცია" სამოქალაქო კულტურის საერთაშორისო ცენტრის" გამგეობის თავმჯდომარე, კოტე კანდელაკი ამბობს, რომ არჩეული ხელისუფლების მიერ პარტიული აქტივისტების დასაქმების მავნე პრაქტიკა გრძელდება, რაც საბოლოო ჯამში ორგანიზაციების არაეფექტურ მუშაობას განაპირობებს.

"სამწუხარო პრაქტიკაა საქართველოში, რომ ყოველი არჩევნების შემდეგ ახალი გუნდით მოდის ხელისუფლება. ამის მიზეზი კომპლექსურია. მთავარი არის აქტივისტებისთვის მიცემული პირობა, რომ თუ გაიმარჯვებს, დაასაქმებს. მეორე მიზეზიც აქედან გამომდინარეობს. საქართველოში დასაქმების ძირითადი სფერო არის საჯარო სამსახური, ამიტომაც,  მენეჯერები იძულებული არიან სწორედ აქ დაასაქმონ ისინი. კანონი, რა თქმა უნდა, არ უკრძლავს ხელისუფლებას საკუთარი გუნდით მოსვლას, მაგრამ ძირითადი დასაყრდენი უნდა იყოს პროფესიონალი კადრები. ახალ თანამშრომლებს  სჭირდებათ გარკვეული დრო,  რომ გაერკვნენ ვითარებაში. ეს უარყოფითად აისახება ორგანიზაციის მუშაობაზე, იკარგება ინსტიტუციური მეხსიერება და ფერხდება სამუშაო პროცესი", - ამბობს კოტე კანდელაკი.

მისივე თქმით, იმის მიუხედავად, რომ ახალი კადრების შერჩევა კონკურის გზით ხდება, თუ საკონკურსო კომისია არ არის გამჭვირვალე, მენჯერი კი პროფესიონალი კადრების აყვანით დაინტერესებული, კონკურსი ფორმალობა ხდება. 

ქუთაისის მერიაში ამბობენ, რომ ახალი ხელისუფლების მოსვლის შემდეგ ჩატარებული რეორგანიზაცია არც მასშტაბური იყო და ის ძირითადად სამსახურების ოპტიმიზაციით შემოიფარგლა. ახალი კადრები კი,  კონკურსის წესით შეირჩნენ, რაც არ გამორიცხავს პოზიციებზე "ქართული ოცნების" მხარდამჭერის დანიშვნას. 

"ქუთაისის მერიაში რეორგანიზაციის დასრულების შემდეგ ძირეული ცვლილებები არ მომხდარა და არც მასშტაბურ დათხოვნებს ჰქონია ადგილი. ძირითადად,  მოხდა სამსახურების ოპტიმიზაცია. ახალ ვაკანტურ თანამდებობებზე კადრები ყველა წესის დაცვით, კონკურსის გზით შეირჩნენ და არც ერთი პროფესიონალი კადრი არ წასულა მერიიდან. ჩვენთვის მნიშვნელოვანია გამოცდილი და პროფესიონალი კადრის მოყვანა და შენარჩუნება. თანამშრომლების შერჩევისას მთავარი კრიტერიუმები გამოცდილება და პროფესიონალიზმი იყო. ყველაფერი კონკურსის წესით მოხდა. თუმცა, არ გამოვრიცხავ მათ შორის კონკურსის შედეგად შეერჩიათ ისეთი ადამიანი ვინც ჩვენი მხარდამჭერია," - განაცხადა ქუთაისის მერმა, გიორგი ჭიღვარიამ.

ქუთაისის მერიის ინფორმაციით, რეორგანიზაციის შედეგად მერიაში 25 შტატი გაუქმდა. სამსახური კი 31-მა ადამიანმა დატოვა. მათგან 26-მა განცხადება სამსახურიდან წასვლის შესახებ თავად დაწერა, 17-ს კი ხელშეკრულების ვადა ამოეწურა.

ქუთაისის მერიაში ახლა 294 ადამიანი მუშაობს.

რეორგანიზაციის ფარგლებში ახალმა ხელისუფლებამ სამსახურების რაოდენობაც შეამცირა. გაუქმდა კულტურის სამსახური და ის განყოფილებად გადაკეთდა,  თუმცა,  ორად გაყო არქტექტურისა და ზედამხედველობის სამსახური. არქიტეტქურის სამსახურს, ხელმძღვანელი, რომელიც მერიამ კონკურსის წესით უნდა შეარჩიოს, ამ დრომდე არ ჰყავს.

| Print |  E-mail
FaceBook Twitter Google
დღის სიახლეები
შინაგან საქმეთა სამინისტრომ ზესტაფონში "ქურდული სამყაროს" წევრობის ბრალდებით, კრიმინალური ავტორიტეტები და "ქურდული სამყაროს" აქტიური წევრები დააკავა.
11:37 / 18-06-2018
ქუთაისში, შარტავს ქუჩაზე ხანძარია.
14:45 / 17-06-2018
კოალიციის "განათლება ყველასათვის – საქართველო" და მასწავლებელთა პროფესიული განვითარების ეროვნული ცენტრის ინიციატივითა და ორგანიზებით მიმდინარე "მასწავლებლის ეროვნული ჯილდოს კონკურსის ფარგლებში საუკეთესო ათეული დასახელდა,
17:53 / 15-06-2018
ბიძინა ივანიშვილი, როგორც მმართველი პარტიის ლიდერი, უნდა გახდეს პრემიერ-მინისტრი,
11:38 / 14-06-2018
მსგავსი სიახლეები






ქუთაისის მერი, გიორგი ჭიღვარია, მას შემდეგ რაც უფლებამოსილების
განხორციელებას შეუდგა, მე-6 მოწვევის საკრებულოს მიერ ჩატარებული 10
სხდომიდან 8-ს არ დასწრებია.
ქუთაისის მერი, გიორგი ჭიღვარია, მას შემდეგ რაც უფლებამოსილების განხორციელებას შეუდგა, მე-6 მოწვევის საკრებულოს მიერ ჩატარებული 10 სხდომიდან 8-ს არ დასწრებია.
14:30 / 14.06.2018






ქუთაისიპოსტი  აგრძელებს ქუთაისის საკრებულოს
დეპუტატების ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი  აგრძელებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
23:19 / 09.06.2018






ქუთაისიპოსტი  აგრძელებს ქუთაისის საკრებულოს
დეპუტატების ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი  აგრძელებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
12:00 / 27.05.2018






ქუთაისიპოსტი იწყებს ქუთაისის საკრებულოს დეპუტატების
ბიზნეს საქმიანობისა და ქონებრივი დეკლარაციების
შესწავლას.
ქუთაისიპოსტი იწყებს ქუთაისის საკრებულოს დეპუტატების ბიზნეს საქმიანობისა და ქონებრივი დეკლარაციების შესწავლას.
17:01 / 30.04.2018






ზესტაფონის მუნიციპალიტეტის ინფრასტრუქტურის სამსახურის უფროსის
მოვალეობის შემსრულებლის, დავით მესხიშვილის მამის კომპანია, მერიის
მიერ გამოცხადებულ ტენდერებს რეგულარულად იგებს.
ზესტაფონის მუნიციპალიტეტის ინფრასტრუქტურის სამსახურის უფროსის მოვალეობის შემსრულებლის, დავით მესხიშვილის მამის კომპანია, მერიის მიერ გამოცხადებულ ტენდერებს რეგულარულად იგებს.
10:04 / 23.03.2018
რეიტინგული ამბები
"ეს არის დამოუკიდებლობა?" - აქციის პატარა მონაწილის ემოციური გამოსვლა (ვიდეო)
ქუთაისში, მესხიშვილის თეატრის წინ დილიდან სტუდენტების აქცია მიმდინარეობს, რომლებიც ხორავას ქუჩაზე მოკლული დავით სარალიძის ოჯახს სოლიდარობას უცხადებენ.
15:30 / 01.06.2018
16 წლის რობი კაპანაძემ 6 წლის ბიჭის სოცოცხლე იხსნა
ქუთაისში, ნიკეას ქუჩაზე ცეცხლმოკიდებული კორპუსიდან ექვსი წლის პაატა ღამბაშიძე მეათეკლასელმა რობი კაპანაძემ გამოიყვანა.
13:58 / 31.05.2018
ტყიბულის შახტში უსაფრთოხების ახალი სისტემა დამონტაჟდა (ფოტო)
ტყიბულში მინდელის სახელობის შახტში ექსპლოატაციაში უსასფრთხოების ახალი სისტემა დაინერგა.
13:55 / 12.06.2018
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.