ეკონომიკა
“ექსთრა მითი“ - ქუთაისური პროდუქცია საქართველოს მასშტაბით
ქუთაისიპოსტი აგრძელებს რუბრიკას - „დამზადებულია ქუთაისში“, რომლის ფარგლებშიც, თვეში ერთხელ, გაგაცნობთ ჩვენი ქალაქის თანამედროვესაწარმოებს.

ათწლეულების მანძილზე ქუთაისი ინდუსტრიულ ქალაქად ითვლებოდა. საბჭოთა პერიოდში ქალაქში საკავშირო მნიშვნელობის 20-მდე მსხვილი ქარხანა და ფაბრიკა მოქმედებდა, რომელთა დიდი ნაწილი დღეს აღარ არსებობს, გაჩნდნენ ახალი საწარმოები.

ზოგიერთი მათგანი ადგილობრივ ან უცხოურ ბაზარზე უკვე დამკვიდრებული ბრენდია, თუმცა საზოგადოებამ, შესაძლოა არ იცოდეს, რომ მათი პროდუქცია ქუთაისში მზადდება.

მორიგი საწარმო, რომელსაც ქუთაისიპოსტი რუბრიკა "დამზადებულია ქუთაისში" ფარგლებში გაგაცნობთ, შპს „ექსთრამითი“ გახლავთ.


***
„რაც მეტი Meat უკეთესი“ - ასეთია იმ კომპანიის სლოგანი, რომლის პროდუქციაც მთელ საქართველოშია პოპულარული. თუმცა, ძალიან ცოტამ თუ იცის, რომ „ექსტრა მითი“ ხორცპროდუქტებს 2010 წლიდან ქუთაისში აწარმოებს.

თავდაპირველად კომპანიას „ეკო მითი“ ერქვა. 2013 წლიდან, რაც კანონმდებლობით დასახელება „ეკოს“ გამოყენება აიკრძალა, „ექსტრა მითი“ დაერქვა.
მისი ერთ-ერთი დამფუძნებელი, გიგა ჩხობაძე იხსენებს, რომ დასაწყისში საწარმოს სიმძლავრეები ახლანდელს 10-ჯერ ჩამორჩებოდა, მცირე იყო დასაქმებულთა რაოდენობაც. დღეისათვის კი კომპანიას 180-მდე თანამშრომელი ჰყავს.



„ექსტრა მითისთვის“ წარმატებული აღმოჩნდა 2015 წელი. სწორედ, ამ დროიდან საწარმოს ნახევარფაბრიკატების ახალი საწარმოო ხაზი დაემატა და ორი მნიშვნელოვანი საერთაშორისო სერთიფიკატი, HACCP 9001 და ISO 22 000 დაინერგა.

„ეს არის იმის გარანტი, რომ მომხმარებელს მივაწოდოთ უსაფრთხო და სანდო პროდუქტი. ის მოიცავს ნედლეულის მიღებიდან, დამზადების ეტაპების გავლას და მომხმარებლამდე მიტანის უსაფრთხო გზას,“ - ამბობს გიგა ჩხობაძე.



დღეისათვის კომპანია პროდუქციას სამი მიმართულებით აწარმოებს: ხორცპროდუქტები, ნახევარფაბრიკატები და თევზის პროდუქტები.

„ექსთრა მითის“ 150-მდე დასახელების პროდუქტი არაგენმოდიფიცირებულია, რაც თითოეული მათგანის ეტიკეტზე GMO ნიშნითაა ასახული. საწარმოში ამაყობენ, რომ ევროპული სტანდარტი საქართველოსა და ევროკავშირს შორის ასოცირების ხელშკრულების ხელმოწერამდე დანერგეს, ამიტომ ევროკავშირის მოთხოვნებზე მორგებისთვის დიდი ძალისხმევის გაწევა არ დაჭირდათ.

2018 წლისთვის კომპანია რებრენდინგისთვის და მომხმარებლის წინაშე განსხვავებული იმიჯით წარდგენისთვის ემზადება, რაც განახლებულ პროდუქციას, ეტიკეტირებას და რეკლამას მოიცავს. თუმცა, საწარმოს ხელმძღვანელი ლოგოსა და სავაჭრო ნიშნის ცვლილებასაც არ გამორიცხავს.

მომავალი წლისთვის, რებრენდინგის ფარგლებში, კომპანიის ტერიტორიაზე საფირმო მაღაზიის გახსნაც იგეგმება. თუმცა, საწარმოს დირექტორი, გიგა ჩხობაძე ამბობს, რომ შესაძლოა „ექსტრა მითის“ მაღაზია ქუთაისის ცენტრალურ უბანშიც გაიხსნას.



დაარსების დღიდან კომპანია „ექსტრა მითმა“ სპორტისა და კულტურის მიმართულებით არაერთი პროექტი დააფინანსა. მათ შორისაა მთასვლელთა და მოგზაურთა კლუბი „თეთნულდის“ რამდენიმე ექსპედიციაც. დანარჩენ პროექტებზე კი საწარმოში არ საუბრობენ. თუმცა, კომპანიის დამფუძნებელი, გიგა ჩხობაძე ამბობს, რომ ჯანსაღი ცხოვრების წესის პოპულარიზაციის ხელშეწყობა მათი მოვალეობაა.

2015 და 2016 წლებში „ექსტრა მითი“ ადგილობრივმა თვითმმართველობამ ქუთაისში საუკეთესო სამრეწველო კომპანიად, „ევროპის ფონდმა“ კი 2015 წლის საუკეთესო სასურსათო საწარმოდ დაასახელა.
| Print |  E-mail
FaceBook Twitter Google
დღის სიახლეები
საქართველოს რეგიონალური განვითარებისა და ინფრასტრუქტურის სამინისტრო იმერეთის მუნიციპალიტეტში შემდეგი სახის ინფრასტრუქტურული პროექტების განხორციელებას გეგმავს.
11:18 / 17-12-2017
მართვის მოწმობის მისაღებად მოქალაქეებმა გამოცდა ქუჩაში ავტომობილით გადაადგილებაშიც უნდა ჩააბარონ.
17:58 / 16-12-2017
ამირან არიშვილი ერთ-ერთია ვისაც დღეს მანქანა დანადგარები უსასყიდლოდ გადასცეს. ის პროფესიით ინჟინერია და მშენებლობაში მცირე ბიზნესის დაწყებას გეგმავს.
14:35 / 16-12-2017
მსგავსი სიახლეები
ქუთაისიპოსტი აგრძელებს რუბრიკას -
ქუთაისიპოსტი აგრძელებს რუბრიკას - "დამზადებულია ქუთაისში", რომლის ფარგლებშიც, თვეში ერთხელ, გაგაცნობთ ჩვენი ქალაქის თანამედროვე საწარმოებს.
14:15 / 23.11.2017
ქუთაისიპოსტი აგრძელებს რუბრიკას -
ქუთაისიპოსტი აგრძელებს რუბრიკას - "დამზადებულია ქუთაისში". რუბრიკის ფარგლებში, თვეში ერთხელ, გაგაცნობთ ჩვენი ქალაქის თანამედროვე საწარმოებს.
17:00 / 08.09.2017
ქუთაისის მერიის დაქვემდებარებაში მყოფმა ააიპ
ქუთაისის მერიის დაქვემდებარებაში მყოფმა ააიპ "სპეციალურმა სერვისებმა" მიმდინარე წელს სულ 39 ტენდერი გამოაცხადა. მათში გამარჯვებულ კომპანიებს ორგანიზაციამ სულ 1 335 313 ლარი გადაუხადა.
12:03 / 02.08.2017
ქუთაისიპოსტი აგრძელებს რუბრიკას -
ქუთაისიპოსტი აგრძელებს რუბრიკას - "დამზადებულია ქუთაისში". რუბრიკის ფარგლებში, თვეში ერთხელ, გაგაცნობთ ჩვენი ქალაქის თანამედროვე საწარმოებს.
16:05 / 26.07.2017
ქუთაისიპოსტი აგრძელებს რუბრიკას -
ქუთაისიპოსტი აგრძელებს რუბრიკას - "დამზადებულია ქუთაისში". რუბრიკის ფარგლებში, თვეში ერთხელ, გაგაცნობთ ჩვენი ქალაქის თანამედროვე საწარმოებს.
14:02 / 23.06.2017
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.