რეგიონი
მიმდინარე და მოსალოდნელი რეორგანიზაცია იმერეთის მუნიციპალიტეტებში
ზესტაფონის მუნიციპალიტეტში  ხუთ შტატზე ვაკანსია გამოცხადდა.

იმერეთის მუნიციპალიტეტებიდან ზესტაფონი ერთ-ერთი პირველია, სადაც რეორგანიზაცია უკვე მიმდინარეობს. მერის მოადგილის, დავით ჩირგაძის ინფორმაციით, ამის მიზეზი ის გახლავთ, რომ 19 თანამშრომელს ხელშკრულების ვადა 31 დეკემბერს ამოეწურა.

"ეს კადრი, ძირითადად, იყო ტექნიკური პერსონალი ან სოფლების წარმომადგენლობაში სპეციალისტებად იყვენენ დასაქმებული. ამ ეტაპზე გამოცხადებულია 5 შტატზე ვაკანსია, დანარჩენ 30 შტატზე ეტაპობრივად, იანვრის ბოლომდე გამოცხადდება," - აცხადებს ზესტაფონის მერის მოადგილე, დავით ჩირგაძე.

მერიის გადაწყვეტილება გათავისუფლებულმა თანამშრომლებმა გააპროტესტეს. ისინი პოლიტიკური ნიშნით დევნაზე საუბრობენ.

2018 წლის 3 იანვრიდან შრომითი ხელშეკრულებები აღარ გაუგრძელდათ ხარაგაულის  ხუთი ადმინისტრაციული ერთეულის წარმომადგენლების თანაშემწეებს. მუნიციპალიტეტის მიერ მოწოდებული ინფორმაციის მიხედვით, ასევე ვანაკტურია ოთხ ადმინისტრაციულ ერთეულში მერის წარმომადგენლის თანამდებობაც.

"მოვალეობის შემსრულებელი ყავს ასევე, მერიის არქიტექტურისა და ზედამხედველობის და შიდა აუდიტის სამსახურებს, რომელთა ყოფილი ხელმძღვანელები, 2017 წლის ადგილობრივი თვითმმართველობის არჩევნების შედეგად, საკრებულოს წევრები გახდნენ,"- განაცხადეს ხარაგაულის მერიაში. მათივე ინფორმაციით, ყველა ზემოთ აღნიშნულ პოზიციაზე კონკურსი 2018 წლის 5 იანვრიდან გამოცხადდება.

ტყიბულის მერის წამომადგენლებს ხელშეკრულების ვადა გაუგრძელდა 10-დან 8 ადმინისტრაციულ ერთეულში. სოფელ გურნისა და ხრესილში წარმომადგენლის თანამდებობაზე კონკურსი უახლოეს პერიოდში გამოცხადდება.

თანამშრომელთა მნიშვნელოვან შემცირებას არ ელოდებიან ვანის მუნიციპალიტეტში. თუმცა, ვანის მერი, ალექსანდრე გოგორიშვილი ჩვენთან საუბრაში აცხადებს, რომ შესაცვლელი ბევრი რამაა, თუმცა,  ეს თანამშრომელთა რაოდენობაზე არ იმოქმედებს.

"ამ ეტაპზე სამსახურებთან გავდივართ ინდივიდუალურ კონსულტაციას. ვცდილობთ, რომ ხალხი არ განაწყენდეს და ამიტომ ცვლილებები იქნება უმნიშვნელო," - ამბობს ვანის მერი, ალექსანდრე გოგორიშვილი.

მისივე ინფორმაციით, ვანში რეორგანიზაცია საბოლოოდ მიმდინარე წლის 18 იანვარს დასრულდება. გოგორიშვილი აცხადებს, რომ ამ დროისთვის სოფლის 21 წარმომადგენელს ხელშეკრულების ვადა ერთი თვით გაუხანგრძლივდათ. ისინი მოვალეობას 31 იანვრამდე შეასრულებენ. თუმცა,  ვანის მერი ირწმუნება, რომ ამ ვადის ამოწურვის შემდეგ სოფლების წარმომადგენელთა გათავისუფლება მოსალოდნელი არაა.

რაც შეეხება, იმერეთის დანარჩენ მუნიციპალიტეტებს, ქუთაისიპოსტს განუმარტეს, რომ რეორგანიზაცია ჯერ არ განხორციელებულა. მათი განმარტებით, საკადრო ცვლილებები, სავარაუდოდ, მომავალი კვირიდან დაიწყება.




| Print |  E-mail
FaceBook Twitter Google
სხვა სიახლეები
მსგავსი სიახლეები
ხარაგაულში რკინისგზის მშენებლობაზე დასაქმებული მუშების ორდღიანი
გაფიცვა დასრულებულია. დამსაქმებელმა მუშების
მოთხოვნები დააკმაყოფილა.
ხარაგაულში რკინისგზის მშენებლობაზე დასაქმებული მუშების ორდღიანი გაფიცვა დასრულებულია. დამსაქმებელმა მუშების მოთხოვნები დააკმაყოფილა.
11:01 / 18.01.2018
ხარაგაულში, სოფელ ბეჟათუბანში სარკინიგზო გვირაბის სამუშაოებზე
დასაქმებული 60-მდე მუშა მეორე დღეა გაფიცულია.
ხარაგაულში, სოფელ ბეჟათუბანში სარკინიგზო გვირაბის სამუშაოებზე დასაქმებული 60-მდე მუშა მეორე დღეა გაფიცულია.
11:49 / 17.01.2018
ხარაგაულის მერია ერთი ამწე კალათიან ავტომაქანის შესაძენად 33 000
ლარის  დახარჯვას გეგმავს.
ხარაგაულის მერია ერთი ამწე კალათიან ავტომაქანის შესაძენად 33 000 ლარის  დახარჯვას გეგმავს.
10:25 / 17.01.2018
ვანში ოთხვარსკვლავიანი სასტუმრო აშენდება. 
ვანში ოთხვარსკვლავიანი სასტუმრო აშენდება. 
13:36 / 14.01.2018
სამტრედიის მუნიციპალიტეტის სოფელ ბაშში ადიდებულ მდინარეში
დარჩენილი  ხუთი მოქალაქე გადაარჩინეს.
სამტრედიის მუნიციპალიტეტის სოფელ ბაშში ადიდებულ მდინარეში დარჩენილი  ხუთი მოქალაქე გადაარჩინეს.
15:35 / 10.01.2018
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.