ბლოგები
ბაში-აჩუკი - გმირი, რომელიც გადარჩა
ბავშვობაში ჭადრაკის ფიგურებით თამაში მიყვარდა. ერთმანეთს ვაბრძოლებდი. ვაბრძოლებდი პირდაპირი გაგებით - ვაჯახებდი. რომელიც წაიქცეოდა წაგებულიც ის იყო.

ამ ბრძოლებში თანდათან გამოიკვეთა ფალავანი ფიგურა, პაიკი, რომელსაც ძალისმიერ ბროლებში ვერც მხედარი და ვერც ლაზიერი ვერ ჯობნიდა. სახელიც ჰქონდა გმირს - ბაში -აჩუკი.

ქართულმა კინომ ომის ბევრი გმირის ცხოვრება ასახა. აჩვენა ომები. სიმამაცის და სილაჩრის ისტორიები. თუმცა, ომი ქართულ კინოში წაგებული ბრძოლების ისტორიებით შემოვიდა ("მაია, წყნეთელი", "მამლუქი", "გიორგი სააკაძე"). ქართული არმია და მისი საუკეთესო წარმომადგენლები, ყველგან მარცხდებიან. მართალია ეს ომები უგმიროდ არ სრულდება, მაგრამ არც ეს გმირები რჩებიან ცოცხლები. რადგან გმირი მხოლოდ გარდაცვლილი გაგვიგონია ჩვენ.

ქართული საბჭოთა კინო, საქართველოს დამოუკიდებელად არსებობის, ან ყოველ შემთხვევაში რუსეთზე არდამოკიდებული ისტორიული პერიოდების ასახვისას, ყოველთვის სიკვდილ-სიცოცხლის ზღვარს წარმოაჩენს, სადაც საქართველოს, მტრებთან წინააღმდეგობის მიუხედავად, არაფერი გამოსდის. მისი შედეგი წაგება და ლუზერად ყოფნაა.

ბრძოლაში გამარჯვების ისტორიები შემოდის გასაბჭოებისშემდგომ ომების ამსახველ ფილმებში. ქართველები ომს იგებენ რუსებთან ერთად, თუმცა დიდი მსხვერპლის ფასად ("ჯარისკაცის მამა", "ღიმილის ბიჭები"). ადამიანები, რომლებიც ომში გამარჯვებას იზეიმებდნენ, ცოცხლები აღარ რჩებიან, ახალგაზრდები იღუპებიან, მათ მომავალი არა აქვთ. მომავალი მარტო საბჭოთა სახელმწიფოს აქვს.

ამ საყოველთაო დამარცხება-შეწირვებში მოულოდნელად ჩნდება იმერელი აზნაური გლახუნა ბაქრაძე, როგორც ნორმიდან ერთგვარი გადახრა. იგი საერთოდ არ ემორჩილება დამკვიდრებულ სტერეოტიპებსა და კანონზომიერებებს სისხლიანი, მარცხიანი და უბედური შედეგებით. გლახუნას ცხოვრება აჩვენებს, რომ ყველაფერს შეიძლება მოევლოს, ყველაფერი შეიძლება გამოვიდეს - მტერი მოყვარე აღმოჩნდეს, მკვდარი - ცოცხალი, ბობოლა თავადი - წმინდანი, გლახუნა კი - ბაში-აჩუკი.
ქართულ კინოში ერთადერთი ბაში-აჩუკია გმირი, რომელმაც ბრძოლა მოიგო.

ეკრანებზე როგორც იქნა გამარჯვებული ქართველი პერსონაჟი გამოჩნდა. პერსონაჟი, რომელიც კინოს აკაკი წერეთელმა აჩუქა.

მისი არსებობა ქართულ საბჭოთა კინოში შეიძლება იმიტომ დაუშვეს, რომ ბაში აჩუკი ისტორიული პერსონაჟი არ იყო. მაგრამ, როგორიც არ უნდა იყოს, ძალიანაც ნამდვილივით გამოიყურება. თანაც მისი არსებობა ძალიან გვჭირდება.

ბაში-აჩუკი იბრძვის და იმარჯვებს თან ყველა ფრონტზე: ომში, ჭიდაობაში, სიყვარულში.

და იმდენსაც ახერხებს ცოცხალიც რჩება.

ბაში აჩუკი არის გმირი, რომელიც გადარჩა და ბედნიერებაც შეძლო.

გამარჯვებული, ბედნიერი და ცოცხალი ბაში აჩუკი გახდა ჩემი საყვარელი პერსონაჟი ჩემი ბავშვობის საბჭოთა საქართველოში. ალბათ იმიტომ, რომ  არსებობს მარადიული მოთხოვნა მოგებულ ომებზე, ცოცხალ გმირებზე და ისტორიის ბედნიერ დასასრულებზე.

ცხოვრება წიგნების მიხედვით ეწყობაო, ერთმა კლასიკოსმა მწერალმა. ეს თუ ასეა, მეტი ბაში-აჩუკი ქართულ კინოსა და ლიტერატურას. იქნებ ცხოვრება ფილმების მიხედვით წარიმართოს, სადაც ადამიანები ომში იმარჯვებენ, მტრებსაც ამარცხებენ და ცოცხლებიც რჩებიან.

| Print |  E-mail
FaceBook Twitter Google
დღის სიახლეები
ქუთაისის რამაზ შენგელიას სახელობის სტადიონზე "ტორპედოს" ფეხბურთელის, შოთა ბაბუნაშვილის გაცილების მატჩი მიმდინარეობს.
19:16 / 19-10-2018
ახალი თაობა გაცილებით თავისუფალია- ვისაც ამ თავისუფლების სიკეთის არ სჯერა შეუძლია 16 წლის მუსიკოსის ლექსო რატიანის მუსიკას მოუსმინოს და საკუთარ ეჭვებში, დიდი ალბათობით, კორექტივების შეტანა მოუნდება.
22:00 / 18-10-2018
თბილისიდან გატაცებული ბიზნესმენის, ამირან დეკანოიძის შვილის მოსაძებნად სპეცოპერაცია წყალტუბოს სოფელ მაღლაკში ჩატარდა.
21:05 / 18-10-2018
,,ა(ა)იპ მადლიერების სახლის დირექოტირი თამთა ბაკურაძე თანხების შესაძლო უკანონო ხარჯვის გამო საქმის აღძვირს თაობაზე განცხადებას ავრცელებს:
15:07 / 15-10-2018
მსგავსი სიახლეები






როგორია სხვადასხვა პროფესიიდან დანახული ევროპული გზა? - ამ კითხვაზე
პასუხებს
როგორია სხვადასხვა პროფესიიდან დანახული ევროპული გზა? - ამ კითხვაზე პასუხებს "ქუთაისიპოსტის" მიერ მომზადებულ ვიდეობლოგებში იპოვით.
14:39 / 08.10.2018






ჯერ კიდევ წლების წინ, მსხვილი ასოებით დავწერე სოციალურ ქსელში:
ქუთაისს არ სჭირდება პარლამენტი!
მეგონა, ჩემი ქუთათური მეგობრებიდან ერთი მაინც მკითხავდა,
რატომ?
ჯერ კიდევ წლების წინ, მსხვილი ასოებით დავწერე სოციალურ ქსელში: ქუთაისს არ სჭირდება პარლამენტი!
მეგონა, ჩემი ქუთათური მეგობრებიდან ერთი მაინც მკითხავდა, რატომ?

07:34 / 04.10.2018






ქუთაისიპოსტი გთავაზობთ
ქუთაისიპოსტი გთავაზობთ "მოქალაქის ბლოგს".
14:36 / 03.10.2018






აი, ეს ლექსი, მურმან ლებანიძის შედევრია. მისი შედევრობა
დაადგინა დრომ… ლექსის ბოლოში მიწერილმა თარიღმა, სულ ოთხმა
ციფრმა.
აი, ეს ლექსი, მურმან ლებანიძის შედევრია. მისი შედევრობა დაადგინა დრომ… ლექსის ბოლოში მიწერილმა თარიღმა, სულ ოთხმა ციფრმა.
10:02 / 20.07.2018






საერთოდ, ქრისტეს აღდგომა, თავისთავად უნიკალური მოვლენაა. ამ
მოვლენის უნიკალურობა განსხვავებულად გამოხატვის არსებობის უფლებას
აძლევს ამ მოვლენას!
საერთოდ, ქრისტეს აღდგომა, თავისთავად უნიკალური მოვლენაა. ამ მოვლენის უნიკალურობა განსხვავებულად გამოხატვის არსებობის უფლებას აძლევს ამ მოვლენას!
07:11 / 08.04.2018
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.