ახალი ამბები
მოსახლეობის თქმით, ამ ადგილზე გზა წლების განმავლობაში მოუწესრიგებელია.
ქუთაისის მერიაში განმარტავენ, რომ ქალაქში გზის ორმოული შეკეთებისთვის ტენდერს უახლოეს დღეებში გამოცხადდება და რუსთაველის ქუჩაზე ამორტიზებული საფარის შეკეთება გამარჯვებულ კომპანიას დაეკისრება.
ქუთაისში ქუჩების სავალი ნაწილის და ტროტუარების "ორმოული" შეკეთების სამუშაოების სახელმწიფო შესყიდვა (SPA170006602) თვითმმართველობამ მიმდინარე წლის 5 მაისს ერთხელ უკვე გამოაცხადა. ელექტრონული შესყიდვა, რომლის საწყისი ღირებულება 498 000 ლარი გახლდათ, უარყოფითი შედეგით დასრულდა. ტენდერით ორი კომპანია - შპს "დაგი+" და "გზამშენ გრუპი" დაინტერესდა.
სახელმწიფო შესყიდვების ეროვნული სააგენტოს ოფიციალურ ვებ-გვერდზე მითითებულია, რომ ორივე კომპანიას დისკვალიფიკაცია არასრული დოკუმენტაციის გამო მიეცა.
შპს "დაგი+"-ში, რომელიც ადგილობრივი კომპანიაა, აცხადებენ, რომ მათ ექსპეტრიზის აუდიტორული დასკვნის წამროდგენა ვერ მოახერხეს.
"ძალიან დაბალი იყო ტენდერის ფასი და სამხარაულის ექსპერტიზის ბიურომ დასკვნა ვერ მოგვცა, თანაც დოკუმენტაციის წარმოდგენის დრო იყო ძალიან მცირე, სამი დღე," - განგვიმარტა შპს "დაგი+"-ის ხელმძღვანელმა, გიგა ფალიანმა.
რაც შეეხება, შპს "გზამშენ გრუპს", მათთან დაკავშირება ვერ მოხერხდა, რადგან კომპანიის წარმომადგენელს ტელეფონი გათიშული აქვს.
ქუთაისში სუპერმარკეტ "ფუდმარტის" წინ გზის საფარის შეკეთება შპს "დაგი+"-მა გასულ წელსაც განახორციელა. სამუშაოები ორმოული შეკეთებების მესამე ეტაპის ფარგლებში შესრულდა, რისთვისაც მერიამ 2016 წელს 151 000 ლარი დახარჯა.
ქუთაისში "ფუდმარტის" წინ გზის საფარის მოწესრიგებას ითხოვენ
18:27 / 12.06.2017
ქუთაისში, რუსთაველის ქუჩაზე მცხოვრებლები, სუპერმარკეტ "ფუდმარტის"
წინ გზის საფარის მოწესრიგებას ითხოვენ.
მოსახლეობის თქმით, ამ ადგილზე გზა წლების განმავლობაში მოუწესრიგებელია.
"ოღონდ ამ გზას დაადგებოდეს საშველი და სხვა არაფერი გვინდა. ყოველ
წუთში ცვივა მანქანები იმხელა ორმოებია უკვე. სამარცხვნოა ასეთი
მდგომარეობა იყოს ქალაქის ცენტრში," - ამბობენ ადგილობრივები.
ქუთაისის მერიაში განმარტავენ, რომ ქალაქში გზის ორმოული შეკეთებისთვის ტენდერს უახლოეს დღეებში გამოცხადდება და რუსთაველის ქუჩაზე ამორტიზებული საფარის შეკეთება გამარჯვებულ კომპანიას დაეკისრება.
ქუთაისში ქუჩების სავალი ნაწილის და ტროტუარების "ორმოული" შეკეთების სამუშაოების სახელმწიფო შესყიდვა (SPA170006602) თვითმმართველობამ მიმდინარე წლის 5 მაისს ერთხელ უკვე გამოაცხადა. ელექტრონული შესყიდვა, რომლის საწყისი ღირებულება 498 000 ლარი გახლდათ, უარყოფითი შედეგით დასრულდა. ტენდერით ორი კომპანია - შპს "დაგი+" და "გზამშენ გრუპი" დაინტერესდა.
სახელმწიფო შესყიდვების ეროვნული სააგენტოს ოფიციალურ ვებ-გვერდზე მითითებულია, რომ ორივე კომპანიას დისკვალიფიკაცია არასრული დოკუმენტაციის გამო მიეცა.
შპს "დაგი+"-ში, რომელიც ადგილობრივი კომპანიაა, აცხადებენ, რომ მათ ექსპეტრიზის აუდიტორული დასკვნის წამროდგენა ვერ მოახერხეს.
"ძალიან დაბალი იყო ტენდერის ფასი და სამხარაულის ექსპერტიზის ბიურომ დასკვნა ვერ მოგვცა, თანაც დოკუმენტაციის წარმოდგენის დრო იყო ძალიან მცირე, სამი დღე," - განგვიმარტა შპს "დაგი+"-ის ხელმძღვანელმა, გიგა ფალიანმა.
რაც შეეხება, შპს "გზამშენ გრუპს", მათთან დაკავშირება ვერ მოხერხდა, რადგან კომპანიის წარმომადგენელს ტელეფონი გათიშული აქვს.
ქუთაისში სუპერმარკეტ "ფუდმარტის" წინ გზის საფარის შეკეთება შპს "დაგი+"-მა გასულ წელსაც განახორციელა. სამუშაოები ორმოული შეკეთებების მესამე ეტაპის ფარგლებში შესრულდა, რისთვისაც მერიამ 2016 წელს 151 000 ლარი დახარჯა.
მსგავსი სიახლეები
16:35 / 16.04.2024
შინაგან საქმეთა სამინისტრო თბილისში, რუსთაველის
გამზირზე ''რუსული კანონის'' წინააღმდეგ მიმდინარე
აქციებთან დაკავშირებით განცხადებას ავრცელებს.
უწყების ინფორმაციით, აქციის მონაწილეთა რაოდენობის გათვალისწინებით, ორგანიზატორებთან შეთანხმების შედეგად, პოლიციამ უზრუნველყო რუსთაველის ქუჩის გადაკეტვა, რათა შეკრება-მანიფესტაციის მონაწილეებს საშუალება ჰქონოდათ შეუზღუდავად გამოეხატათ საკუთარი პროტესტი.
ასევე შსს-ის განცხადებით, წინა წლების გამოცდილების
გათვალისწინებით, პარლამენტის შენობის გამოსასვლელების შესაძლო
ბლოკირების, ძალადობრივი ქმედებების პრევენციის და ადგილზე
მართლწესრიგის დაცვის მიზნით, შინაგან საქმეთა სამინისტრომ მიიღო
გადაწყვეტილება, რომ აქციის მონაწილეებს არ მისცემოდათ პარლამენტის
შენობის გვერდითა შესასვლელებთან აქციის გაგრძელების საშუალება.
შესაბამისად, ჭიჭინაძისა და ჩიტაძის ქუჩებზე, პარლამენტის
შესასვლელებთან განთავსდა პოლიციის კორდონები.
''საზოგადოებას შევახსენებთ, რომ გასული წლის 7-8
მარტს მიმდინარე შეკრება-მანიფესტაციაზე გაკეთებულ მსგავს მოწოდებებს,
რომ აქციის მონაწილეები პარლამენტის შენობის მიმდებარედ
განლაგებულიყვნენ, შედეგად მოჰყვა პოლიციაზე თავდასხმები, როგორც
ბლაგვი საგნებით ასევე ე.წ. „მოლოტოვის კოქტეილის“
გამოყენებით.
ასევე, მიუხედავად იმისა, რომ 7-8 მარტს, პოლიციამ
პარლამენტის შენობიდან დეპუტატებისა და აპარატის თანამშრომლების
გამოსვლის შემდეგ, სრულად გაათავისუფლა საპოლიციო კორდონებისგან
ტერიტორია, აქციის მონაწილეებმა სწორედ მაშინ დაიწყეს პარლამენტის
შენობაზე შტურმი, ცეცხლი წაუკიდეს შენობას, დააზიანეს დამცავი
ჯებირები და ცხაურები, ასევე შეეცადნენ პარლამენტის შენობაში შეჭრას.
გარდა ამისა, დააზიანეს სამინისტროს კუთვნილი ავტომობილები და
პოლიციის სპეციალური აღჭურვილობა.
საზოგადოებრივი წესრიგის მიზანმიმართული, მასობრივი
დარღვევა რამდენიმე საათის განმავლობაში გრძელდებოდა. პოლიციამ,
წესრიგის აღდგენის მიზნით, რამდენჯერმე გამოიყენა პროპორციული ძალა და
სპეციალური საშუალებები.
აღნიშნული გამოცდილების გათვალისწინებით, 2024 წლის
15 აპრილს პოლიციამ განახორციელა ყველა საჭირო პრევენციული ღონისძიება
რათა ერთის მხრივ თავიდან აეცილებინა ძალადობა, მასობრივი
დაპირისპირება და ამასთან, უზრუნველყო რუსთაველის გამზირზე შეკრებილი
მოქალაქეებისთვის შეკრება-მანიფესტაციის უფლებით სარგებლობის
საშუალება. მიუხედავად სამართალდამცველების არაერთი მოწოდებისა,
აქციის მონაწილეებს მაინც ჰქონდათ მცდელობა გაერღვიათ საპოლიციო
კორდონები, რა დროსაც პოლიციის მიერ ადმინისტრაციული წესით დაკავებულ
იქნა 14 პირი.
აქციის მონაწილეთა მხრიდან ძალადობრივი ქმედებების
დროს, დაზიანება მიიღო შინაგან საქმეთა სამინისტროს საპატრულო
პოლიციის დეპარტამენტის თანამშრომელმა,''-ნათქვამია
განცხადებაში.
რუსული კანონის წინააღმდეგ გამართულ აქციაზე გუშინ,
15 აპრილს პოლიციამ 14 ადამიანი დააკავა.
16:27 / 16.04.2024
გამოცდების ეროვნული ცენტრი 2024 წლის ერთიანი ეროვნული გამოცდების
არჩევითი საგნების სტატისტიკას აქვეყნებს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები